Poeti Scledensi Angelina e Toni Le poesie dialettali di Tòni Da Schio

Un Vècio in sèrca de aventure

Gò fato quatro passi l’altra sèra

Zo pa l’ vial de la casina rossa,

drio la Giòlgara, giusto zo a Livièra,

Zèro in sèrca, anca mi, ciò, de calcòssa.

I me ga dito, qua, che te la nòte

Vien sù dal fiume tante Ondine bèle

Che le se smissia insieme a le Schiòte

Par mètarse a balar soto le stele.

La luna la parèa tuta da argènto,

l’àqua la sussurava sotovose …

Mi gèro solo, estasià, contento,

sognavo da par mi gran bèle còse.

Gò sèrca, gò spetà, son tornà indrìo …

Anca le Ondine mi ga dito: Adìo!

(Dal libro La Musa Dialettale di “Toni da Schio”, nel centenario della nascita, di Giuseppe Losavio)